2015年12月24日外海血醒的平安夜@西貢高佬艇釣

  • ByAndy T.
  • Dec 07, 2017

2015年12月24日外海血醒的平安夜@西貢高佬艇釣 上過禮拜見到星期四天氣咁晴無理由唔釣下魚家,跟住就打比高佬問佢有無客出呀,佢話仲有個位喎,我唸到唔唸就舉腳話去啦,初時收天文台微風二級,之後又系千人台啦緊系,約好六點半食早餐點知有人唔知醒,好彩系眾人食早餐既時候終於搵到e個人啦,佢即時飛的入到西貢岩岩好系落艇前趕到,e個遲到既人就系我啦,系度同咁多位講聲唔好意思,但系今日我影既相同拍既片足夠彌補過錯,終於人齊出發~~~ 一去到高佬最快落餌,佢今次用日本仔用黎jigging大班既假餌,點知一到底就拉竿,磅頂即時發出乎叫,乎叫聲同炸竿聲同時發出,就系三秒鐘內一氣呵成,攪掂又可以換新竿! 高佬跟住就話上次中條十零斤老青都頂得住,e條佢話應該二十斤過外,之後Andy都落餌啦,又系咁!唔系化!咁快!一落就接住塊板,但系e條識得飛喎,唔系果d黎既,玩左唔夠三十秒見影啦,原來系中目標魚,大鮫鮫!!! 無錯今次出黎主要唔系搵班班,系出黎搵大鮫,因為前年我已經知道高佬每年e個時候都會出去玩大鮫,因為夏天d鮫食飽哂魚仔,e個月份又成日吹東北風無乜艇出到去落網,所以每年都系e兩個月出去jigging大鮫,而我既架生系兩年前開始準備,jigging攪,jigging竿,所有既配件鐵板,因為兩年前見到佢既舊相就比佢d相導左升仙! 唔覺唔覺高佬又靜雞雞起左兩條章雄! 講返現場情況,左右一齊有人中,前又中後又中,但系都系斷、斷、斷,斷多過上到水,拎到上黎果d得廿斤至三十斤重,之後就齊齊換鋼線鉤加粗鋼拉,換完之後就少左食餌,之後又換返幼d既鋼拉,快樂不知時日過好快就到左一點,轉流啦,系一個唔知斷左幾多口,同唔知幾多問候聲、媽聲、歡樂聲咁就過左半日啦,食完飯轉位去搵班班啦,又話唔釣班既,其實早一日我同高佬已經入左西貢走左轉去fit魷啦,為左今日做好準備,因為西貢成鬼日都無餌賣。 轉左沉船排個個換哂大餌,大大隻大尾魷掉落海,一寨兩寨都無料到,跟住高佬話去格離大石排試一試,到左今日最後一個位,個個都好努力揸大蝦大尾魷,突然carson慘叫一聲,原來比人偷襲!之後大家都打起十二分精神,當釣第二寨既時候carson又慘叫一聲,眾人目光即時轉向佢既時候,Andy突然標童上身連環快手抽左幾野,哈哈,終於有班班食餌啦,睇Andy個樣氣定神閑實食無黐牙,一手一手慢慢收上黎,唔洗半分鐘一條七斤重既青班就上水啦!!! 時間過得真系快,又夠鐘要回航啦,回航時先發覺Ivan無帶外套,所以我借左件衫比佢之後,我就換左2016年新裝! 大家千其唔好唸住市區有二三十度,出外海加上行緊艇系特別凍特別容易中蕉家,所以出外海既新朋友記得要帶外套呀!!! 今日斷擔幾釣擔幾加加埋埋都有成三擔野!!!